Sigurvegarar í Eftirréttur ársins og Konfektmola ársins 2026
Keppnirnar Eftirréttur ársins og Konfektmoli ársins fóru fram á vegum Garra á Stóreldhússýningunni í Laugardalshöll fimmtudaginn 5. nóvember.
Keppnirnar hafa verið mikilvægur vettvangur fyrir fagfólk í bakstri, konditori og matreiðslu til að sýna hæfni sína, sköpunarkraft og metnað. Garri hefur lengi lagt áherslu á að styðja við fagið með því að skapa tækifæri til þróunar og nýsköpunar innan íslensks veitinga- og sætabrauðsgeira.
Dómarar ársins 2026 voru þau Hrefna Sætran, yfirdómari í Eftirrétti ársins, Axel Þorsteinsson, Andrés Björgvinsson, Vigdís Mi Diem Vo og Sigurður Laufdal. Dómnefndin lagði mat á meðal annars bragð, framsetningu, tæknilega útfærslu og frumleika.
Sigurvegarar í Eftirrétti ársins 2026
1. verðlaun
Þorlákur Sigurðsson, Flóra veitingar
Dökk súkkulaðimús á möndlupralíni fyllt með créme patissiére. Eplamús og eplacompoté í skel með svissneskum maregns. Poached epli, eplaís og eplasalat. Choux puff með eplafyllingu. Möndluganache og heit karamella. Temprað súkkulaði.
2. verðlaun
Tómas Leo Kristjánsson, nýsveinn (MK), Matarkjallaranum
“Mille fuille” ásamt súkkulaðikremi, “paris brest” með möndlu pralín, bæverskur búðingur með ferskjum og apríkósu ís.
3. verðlaun
Natasja Keincke, monitor meistari, Bakarameistaranum
„Ég reyndi að halda mig sem mest við þemað [París 1920] á sama tíma og ég bætti við örlitlum glæsileika og nútímalegu ívafi. En umfram allt snerist þetta um að hafa gaman af verkefninu og njóta sköpunarferlisins.“
Nemaverðlaun Garra
Aron Elvar Bjarkason, matreiðslunemi, Hótel Geysi
Croissant fyllt með heslihnetupralíné og súkkulaðikremi, borið fram með grænu eplamousse og eplagljáa. Til hliðar er appelsínusorbet, apríkósu pâte de fruit, sítrónutímían-pocheruð pera, dökkt súkkulaðiganache, fíkjugel og stökkur súkkulaðimulningur.
Sigurvegarar í Konfektmola ársins 2026
1. verðlaun
Íris Nhi Einardóttir, bakari og kökudeildarstjóri hjá IKEA
Pomme Verte sameinar dökkt súkkulaði frá Cacao Barry (Mi-Amère 58%), græneplahlaup úr Granny Smith-eplapúrru frá Capfruit, silkimjúkt ganache-krem með Calvados og stökkt feuilletine-lag. Framsetningin er innblásin af glæsileika Art Deco-stílsins í París á þriðja áratug 20. aldar.
2. verðlaun og Nemaverðlaun Garra
Emilie Frederiksen, konditornemi hjá Bakarameistaranum
Með samspili appelsínu, neguls, apríkósu og karamellu möndlum vildi ég kalla fram stemningu sem minnir á parískt sætabrauðshús, með vísun í þann lúxus, hlýju og krydduðu tóna sem einkenndu franska sætabrauðslist á þessum tíma.
3. verðlaun
Guðrún Erla Guðjónsdóttir, bakari og konditor hjá Mosfellsbakaríi
Súkkulaði skel úr Cacao Barry Mi-Amére 58%, apríkósu paté de fruit, súkkulaði ganach og heslihnetu pralín botn kryddað með tonka.
_
Garri óskar öllum verðlaunahöfum og þátttakendum innilega til hamingju með glæsilegan árangur og þakkar jafnframt dómurum, samstarfsaðilum og gestum fyrir þátttökuna í vel heppnuðum degi.
