Sjálfbærniskýrsla Garra 2024

Garri leggur áfram áherslu á sjálfbærni og hefur náð góðum árangri á árinu 2024. Á meðan velta hefur aukist hefur heildarúrgangur minnkað um 28%, sem er mikilvægt skref í að draga úr umhverfisáhrifum starfseminnar. Auk þess náðust markmið vegna losunarkræfni í umfangi 1 og 2, sem undirstrikar skuldbindingu Garra til að draga úr kolefnisfótspori sínu. Vélar og tæki Garra nýta sér orkusparandi lausnir sem hafa gert okkur kleift að reka mun stærra húsnæði og tækjabúnað á hlutfallslega umhverfisvænni hátt. Í vöruhúsinu eru fullkomnir kæli- og frystiklefar þar sem kolsýra er nýtt í stað umhverfisspillandi efna eins og freons og ammoníaks. Orkusparandi LED lýsing er í húsnæði Garra og snjallmælar fyrir rafmagnsnotkun. Losunarkræfni á hvern rúmmetra heldur því áfram að dragast saman sem og losunarkræfni orku og losunarkræfni starfsmanna.

Garri leggur mikla áherslu á eflingu mannauðs og hefur náð þar verulegum árangri. Árangur þess kemur skýrt fram í viðhorfi starfsfólks til lykilþátta vinnuumhverfisins, eins og mælt var með VR-könnuninni á Fyrirtæki ársins. Garri fékk viðurkenningu sem eitt af „Fyrirtækjum ársins 2024“ í flokki stórra fyrirtækja, sem er viðurkenning á framúrskarandi vinnustaðamenningu og sterku starfsumhverfi.

Ekki náðust öll markmið um söfnun upplýsinga frá birgjum vegna áherslna þeirra í sjálfbærni, en Garri stefnir á að ná þeim markmiðum með innleiðingu gæðavottunar á árinu 2025.

Garri heldur áfram að leggja áherslu á jafnvægi milli umhverfis, samfélags og efnahagskerfis. Fyrirtækið styður við viðskiptavini með nýsköpun og fræðslu, og heldur áfram að tryggja framúrskarandi þjónustu. Þjónustukönnun var framkvæmd á vormánuðum þar sem heildaránægja viðskiptavina mældist 94%. Við hjá Garra erum þakklátt fyrir traust viðskiptavina og samstarfsaðila og mun halda áfram að tryggja áreiðanleika, fagmennsku og sjálfbæran vöxt, til að skapa betri framtíð fyrir alla.

Markmið Garra fyrir árið 2025