Sjálfbærniáherslur Garra
Við viljum vera öðrum fyrirmynd um ábyrga viðskiptahætti sem taka mið af umhverfinu og samfélaginu í heild sinni. Með ástríðu fyrir starfi okkar og áherslu á stöðugar umbætur, sjálfbærni og eflingu mannauðs ætlum við að tryggja ábyrga starfsemi, hagaðilum, samfélagi og umhverfi til heilla.
Mannauður
Viðskiptavinir
Aðfangakeðja
Ábyrg stjórnun
Sjálfbærnivegferð Garra
Vegferð okkar í sjálfbærni og frumkvæði til meiri árangurs á þeim vettvangi má rekja aftur til ársins 2015 þegar hafist var handa við að safna skipulega upplýsingum um úrgang og undirbúa flutning í Hádegismóa, en húsið er byggt og hannað til að valda lágmarks umhverfisáhrifum.
Skoða vegferðina hér
Grunngildi Garra
Heiðarleiki, áreiðanleiki og ástríða og við tökum allar ákvarðanir með þessi gildi í huga, ásamt áherslu á stöðugar umbætur. Þannig tryggjum við ábyrga starfsemi, hagaðilum, samfélagi og umhverfi til heilla. Helstu hagaðilar Garra eru mannauður félagsins, viðskiptavinir og birgjar.
Heiðarleiki
Áreiðanleiki
Ástríða
Sjálfbærniáherslur Garra í hnotskurn
Árið 2022 hófst markviss vinna að heildstæðri sjálfbærnistefnu og markmið fyrir árið 2023 voru sett. Starfsfólk Garra tók virkan þátt í greiningu og vali á sjálfbærniáherslum sem eru ábyrg starfsemi, mannauður, aðfangakeðja og viðskiptavinir.
Við hjá Garra berum virðingu fyrir umhverfinu og samfélaginu öllu og leitumst við að lágmarka skaðleg áhrif af rekstri fyrirtækisins á náttúru og samfélag. Umhverfis- og samfélagsvitund endurspeglast í rekstri fyrirtækisins, stjórnun og daglegum störfum starfsfólks. Við leggjum áherslu á að rekstur félagsins sé til fyrirmyndar út frá alþjóðlegum og viðurkenndum viðmiðum um umhverfismál, félagslega þætti og stjórnarhætti (UFS) og ætlum að leggja okkar af mörkum til að styðja við heimsmarkmið Sameinuðu þjóðanna í sjálfbærni.
Mannauður
Helsti styrkur Garra er mannauðurinn og það frábæra starfsfólk sem þjónustar viðskiptavini okkar. Með því að þróa færni og þekkingu starfsmanna leggjum við grunninn að framtíðarvexti félagsins.
Á árinu 2022 innleiddi Garri jafnlaunavottun og fræðslustjóri var ráðinn til að styðja enn frekar við markmið okkar um eflingu mannauðs og ýta undir metnað og sköpunargáfu allra starfsmanna.
Aðfangakeðjan
Garri leggur mikið upp úr gæðum í hráefni og framleiðslu birgja og að þeir séu ábyrgir gagnvart samfélaginu og umhverfi.
Við erum ótrúlega stolt af birgjunum okkar og búum við þann frábæra kost að bjóða vörur frá fyrsta flokks framleiðendum bæði innlendum sem erlendum, vörur sem hafa unnið sér fastan sess hjá okkar viðskiptavinum. Því leggjum við ríka áherslu á langtíma samvinnu við alla okkar birgja.
Viðskiptavinir
Markmið okkar er að veita framúrskarandi þjónustu til allra viðskiptavina okkar og byggja ofan á það traust sem okkur hefur verið sýnt. Við leggjum ríka áherslu á stöðugleika í vöruframboði en erum jafnframt vakandi gagnvart breytingum og nýjungum á markaði. Við leggjum jafnframt ríka áherslu á ábyrga verðlagningu.
Umhverfismál skipta Garra máli og koma við sögu í öllu okkar starfi
Við berum virðingu fyrir umhverfinu og leitumst við að lágmarka skaðleg áhrif rekstursins á náttúruna. Umhverfisvitund endurspeglast í öllum rekstri fyrirtækisins, stjórnun og daglegum störfum starfsfólks.