Nýjustu fréttir

Garri hlaut viðurkenningu á forvarnarverðlaunum VÍS fyrir góðan árangur í öryggis- og umhverfismálum.

Við erum ótrúlega stolt og glöð með að vera í þessum hópi fyrirtækja og munum halda ótrauð áfram í að vera ábyrg gagnvart samfélaginu, umhverfinu, framtíðinni og íbúum landsins.

Hér er myndband sem var gert í kjölfar tilnefningarinnar :

Kæri viðskiptavinur

Veðurspáin fyrir föstudaginn 14. febrúar næstkomandi er með allra versta móti og því óvíst hvort hægt verði að afgreiða allar pantanir eins og venja er þann daginn.

Við hvetjum alla til að panta tímanlega svo við getum tryggt afhendingu á vörum fyrir helgina á fimmtudegi áður en vonskuveðrið skellur á.

Kærar kveðjur,Starfsfólk Garra

Kæru viðskiptavinir.

Tekið hefur gildi breyttur opnunartími á þjónustuborði og skrifstofu Garra. Opið verður á þjónustuborði og skrifstofu milli klukkan 8:00 og 16:00 mánudaga til föstudaga. Opnunartími í afgreiðslu vöruhúss helst óbreyttur milli klukkan 8:00 og 17:00 mánudaga til miðvikudaga og til klukkan 16:00 á fimmtudögum og föstudögum.

Þjónustuborð og skrifstofa:

8:00-16:00 mánudaga til föstudaga

Afgreiðsla vöruhúss:

8:00-17:00 mánudaga til miðvikudaga

8:00-16:00 fimmtudaga og föstudaga

Ný vefverslun Garra hefur farið ótrúlega vel af stað og ríkir mikil ánægja með hana meðal viðskiptavina og starfsfólks. Fljótlegasta leiðin til að panta vörur og skoða vöruúrvalið okkar er með vefversluninni. Við hvetjum alla viðskiptavini að nýta sér hana til hins ýtrasta og minnum á að hún er opin allan sólahringinn.

Kærar kveðjur,

Starfsfólk Garra

Við hvetjum til þess að gera pantanir tímanlega fyrir jólin þar sem það eru færri dagar til útkeyrslu og því gott að vera fyrr á ferðinni. Sniðugt er að nota Vefverslun Garra til að skipuleggja og framkvæma pantanir, ef eitthvað gleymist er einfalt að bæta því við í vefverslun svo lengi sem pöntunin sé ekki komin í útkeyrslu.

Opnunartími í Reykjavík verður eftirfarandi:

Ferðir á Selfoss verða eftirfarandi:

Ferðir til Keflavíkur verða eftirfarandi:

Til þess að tryggja að vörur sem fara með flutningsaðilum út á land komist til skila fyrir jól þá þurfa pantanir að berast fyrir fimmtudaginn 19. desember.

Viðskiptavinir eru hvattir til að gera pantanir tímanlega.

Gleðilega hátíð!

Starfsfólk Garra

Úrslit eru ráðin í keppninni Eftirréttur Ársins & Konfektmoli Ársins 2019 sem Garri hélt í Laugardalshöll fimmtudaginn 31. október 2019. Í ár var keppnin mjög hörð keppni og mjótt á munum. Augljóst er að gæðin eru mikil hjá keppendum sem eykst með hverju árinu.

Þema keppninnar í ár var "Framtíðin" þar sem hver og einn keppandi túlkaði þemað eftir sínu höfði.

Eftirréttur Ársins 2019

Keppendur í Eftirréttur Ársins 2019

Sigurvegarar í Eftirréttur Ársins 2019F.v. Sindri Guðbrandur Sigurðsson 1. sæti, Wiktor Pálsson 2. sæti og Aþena Þöll Gunnarsdóttir 3. sæti

Sigurvegari í Eftirréttur Ársins í ár var Sindri Guðbrandur Sigurðsson frá Silfru sem hlýtur að launum námskeið hjá Chocolate Academy Cacao Barry erlendis.

Í öðru sæti lenti Wiktor Pálsson frá Hótel Sögu og í þriðja sæti Aþena Þöll Gunnarsdóttir frá Gamla Fiskfélaginu.

Konfektmoli Ársins 2019

Keppendur í Konfektmoli Ársins 2019

Sigurvegarar í Konfektmoli Ársins 2019F.v. Garðar Kári Garðarsson 1. sæti, Vigdís Mi Diem Vo 2. sæti og Aisuluu Shatmanova 3. sæti

Sigurvegari í Konfektmoli Ársins í ár var Garðar Kári Garðarsson frá Deplum sem hlýtur að launum námskeið hjá Chocolate Academy Cacao Barry erlendis.

Í öðru sæti lenti Vigdís Mi Diem Vo frá Sandholt og í þriðja sæti Aisuluu Shatmanova frá Sandholti.

Dómarar

Dómarar í Eftirréttur Ársins 2019F.v. Sigurður Laufdal, Garðar Kári Garðarsson og Baldur Öxdal

Eftirréttur Ársins:

Yfirdómari var Garðar Kári Garðarsson – Deplar og Kokkalandsliðið

Sigurður Laufdal – Bocuse d’Or keppandi

Baldur Öxdal – Lindin

Dómarar í Konfektmoli ársins 2019F.v. Óskar Ólafsson og Axel Björn Clausen

Konfektmoli Ársins:

Yfirdómari var Axel Björn Clausen frá Hipstur og Kokkalandsliðinu.

Meðdómari var Óskar Ólafsson matreiðslumaður.

Keppnin fór fram á sýningunni Stóreldhúsið í Laugardalshöll og stóð yfir allan daginn frá kl. 10:00 – 16:00. Garri hefur haldið eftirréttakeppnina í 10 ár við góðan orðstír og hefur hún vakið verðskuldaða athygli í faginu.

Sjá fleiri myndir á Instagram og Facebook síðu Garra.

Eftirréttakeppnin Eftirréttur Ársins & Konfektmoli Ársins verður haldin fimmtudaginn 31. október á sýningunni Stóreldhúsið 2019 í Laugardalshöll.Þema keppninnar er Framtíðin. Hver og einn keppandi túlkar þemað eftir sínu höfði. Þeminn þarf að skila sér t.a.m. í hráefni, áferð, nafni, uppbyggingu osfrv. Keppnisrétt hafa þeir sem lokið hafa sveinsprófi í matreiðslu, konditori og bakaraiðn eða eru á nemasamningi í fyrrnefndum greinum. Undantekningartilvik frá ofannefndu verða metin sérstaklega. Opnað hefur verið fyrir skráningu í keppnirnar. Þrjátíu sæti eru í boði í báðum keppnum. SKRÁNING HÉR Í EFTIRRÉTTUR ÁRSINS 2019 SKRÁNING HÉR Í KONFEKTMOLI ÁRSINS 2019 Nánari upplýsingar gefur Bjartur í síma 696-4438 eða bjarturlogi@garri.is Hér getur þú nálgast allar nánari upplýsingar um keppnina og hráefni sem eftirrétturinn eða konfektmolinn þarf að innihalda. Smelltu hér til að fá nánari upplýsingar: EFTIRRÉTTUR ÁRSINS 2019 KONFEKTMOLI ÁRSINS 2019

Garri í samstarfi við SOSA Ingredients stendur fyrir spennandi námskeiðum dagana 26. og 27. febrúar 2019.

Námskeiðin fara fram í nýju húsnæði Garra að Hádegismóum 1, 110 Reykjavík á 4.hæð.

Um er að ræða sama námskeiðið en tvær dagsetningar eru í boði:

26. febrúar 13:30 til 16:30

27. febrúar 13:30 til 16:30

Skráning:

Ef áhugi er fyrir hendi þá vinsamlegast skráið ykkur hér á Skráningarsíðu eða með því að senda tölvupóst á ivar@garri.is

Lærðu betur á notkun efnanna frá SOSA

Námskeiðið er í formi sýnikennslu þar sem útbúnir verða ljúffengir hágæða réttir. Það sem gerir námskeiðið spennandi er kennsla á ýmsum tækniatriðum í meðhöndlun á vörum frá SOSA í matargerð.

Fyrir hverja:

Matreiðslumenn, bakara, konditora, nema og annað fagfólk sem starfar við veitingagerð.

Leiðbeinandi:

Leiðbeinandi námskeiðsins er Guillem Corral sem hefur haldið fjölda námskeið fyrir SOSA víðsvegar um heiminn og kynnir bæði faglegar og tæknilegar lausnir í meðferð bætiefna í matargerð. Hann er lærður matreiðslumaður og starfaði á virtum Micheline veitingastöðum áður en hann hóf störf hjá SOSA árið 2013.

Á námskeiðinu er farið yfir:

Aðferðir á notkun efna frá SOSA

Forrétti, aðalrétti og eftirrétti

Ýmsar eldunaraðferðir

Þinn ávinningur af námskeiðinu getur verið:

Aukin þekking á notkun bætiefna í matargerð

Aukin þekking í matreiðsluaðferðum

Ath. Takmarkað sætaframboð – fyrstur kemur fyrstur fær.

Ath. Námskeiðin fer fram á ensku.

Heimasíða SOSA

www.sosa.cat

Við óskum viðskiptavinum og samstarfsaðilum okkar gleðilegra jóla og farsældar á nýju ári.

Við þökkum innilega fyrir samstarfið á árinu sem er að líða og hlökkum til að gera frábæra hluti með ykkur á nýja árinu 2019.

Sjáumst á nýju ári!

Með kveðju,

Starfsfólk Garra

Úrslit eru ráðin í keppninni Eftirréttur Ársins & Konfektmoli Ársins 2018 sem Garri hélt í Perlunni í dag fimmtudaginn 18. október 2018. Í ár var keppnin mjög hörð keppni og mjótt á munum. Augljóst er að gæðin eru mikil hjá keppendum sem eykst með hverju árinu.

Þema keppninnar í ár var HOT STUFF þar sem hver og einn keppandi túlkaði þemað eftir sínu höfði.

Eftirréttur Ársins 2018

Keppendur í Eftirréttur Ársins 2018

Sigurvegarar í Eftirréttur Ársins 2018F.v. Wiktor Pálsson 3. sæti, Snædís Xyza Mae Jónsdóttir 1. sæti og Chidapha Kruasaeng 2. sæti

Sigurvegari í Eftirréttur Ársins í ár var Snædís Xyza Mae Jónsdóttir frá Hótel Sögu sem hlýtur að launum námskeið hjá Chocolate Academy Cacao Barry erlendis.

Í öðru sæti lenti Chidapha Kruasaeng frá HR Konfekt og í þriðja sæti Wiktor Pálsson frá Hótel Sögu.

Konfektmoli Ársins 2018

Keppendur í Konfektmoli Ársins 2018

Sigurvegarar í Konfektmoli Ársins 2018F.v. Hermann Marinósson 2. sæti, Arnar Jón Ragnarsson 1. sæti og Vigdís Mi Diem Vo 3. sæti

Sigurvegari í Konfektmoli Ársins 2018 var Arnar Jón Ragnarsson frá Sandholt sem hlýtur að launum námskeið hjá Chocolate Academy Cacao Barry erlendis.

Í öðru sæti lenti Hermann Marinósson frá Hótel og Matvælaskólanum og í þriðja sæti Vigdís Mi Diem Vo frá Sandholt.

Dómarar

Dómarar í Eftirréttur Ársins 2018.F.v. Bjarni Viðar Þorsteinsson, Friðgeir Ingi Eiríksson og Bjarni Siguróli Jakobsson

Eftirréttur Ársins:

Yfirdómari var Friðgeir Ingi Eiríksson – Bocuse d’Or keppandi 2007

Bjarni Siguróli Jakobsson – Bocuse d’Or keppandi 2019

Bjarni Viðar Þorsteinsson – Sjávargrillið

Dómarar í Konfektmoli ársins 2018F.v. Sigurður Már Guðjónsson og Júlía Skarphéðinsdóttir

Konfektmoli Ársins:

Yfirdómari var Sigurður Már Guðjónsson frá Bernhöfs Bakarí.

Meðdómari var Júlía Skarphéðinsdóttir matreiðslumaður.

Keppnin fór fram í Perlunni við Út í bláinn og stóð yfir allan daginn frá kl. 10:00 – 16:00. Garri hefur um árabil haldið eftirréttakeppnina við góðan orðstír og hefur hún vakið verðskuldaða athygli í faginu, ásamt keppninni Konfektmoli Ársins sem nú er haldin samhliða.

Sjá fleiri myndir á Instagram og Facebook síðu Garra.